http://new.vkoob.kz/kz/zha-aly-tar/bejne-zha-aly-tar/130-zha-aly-tar2/1798-s-lejmenova-rysbek-sajyn-yzy#sigProId1cd6e1da6d
2024 жылғы 5 ақпанда Шығыс Қазақстан облыстық ауруханасының көп бейінді шаруашылық есептегі бөлімінің меңгерушісі Сүлейменова Рысбек Құсайынқызы ұзаққа созылған ауыр науқастан 64 жасында дүниеден озды.
Рысбек Құсайынқызы 39 жыл Шығыс Қазақстан облыстық ауруханада – жасөспірімдер кабинетінің дәрігері, дәрігер – терапевт, көп бейінді шаруашылық есептегі бөлімінің меңгерушісі болып жұмыс істеді. Осы жылдар ішінде ол денсаулық сақтау басқармасының жасөспірімдер қызметі бойынша штаттан тыс бас маманы болды. Тәжірибелі дәрігер ретінде ШҚО аудандарының көптеген медицина қызметкерлеріне тәлімгер болды. Жемісті жұмысы үшін ҚР ДСМ "Денсаулық сақтау үздігі" төсбелгісімен және "Еңбек ардагері" медалімен марапатталды.
Айналасындағылар оны тек кәсіби маман ретінде ғана емес, сонымен қатар дана, бей-жай қарамайтын және жанашыр адам ретінде де бағалады. Ол өзінің жігерлілігімен, өміршеңдігімен және адалдығымен барлығын таңғалдырған.
Шығыс Қазақстан облыстық ауруханасының басшылығы мен ұжымы мезгілсіз өмірден өткен Рысбек Құсайынқызының отбасына қайғырып көңіл айтады.
Рысбек Құсайынқызы туралы жарқын естелік біздің жүрегімізде мәңгі сақталады.